我上yahoo search證婚律師搵到歐陽律師，因為我唔想搵集團式，驚到時求其搵個律師俾我，而歐陽律師有自己嘅事務所，可以保證婚禮當日都可以見到佢本人。加上佢有一定經驗，又喺yahoo搜尋排名排得幾前，所以就揀咗佢，email問佢有冇期同埋幾多錢。 佢嘅態度、衣著同儀容都非常好，因為嗰日個場得我地，佢留咗好耐先走，唔會好趕時間咁。之前參加過其他朋友嘅婚禮，好多證婚律師都十分鐘完事，而佢起碼用咗半個鐘，唔求其之餘又唔會有hard sell嘅感覺。另外，佢見到我哋有外國朋友，自動波雙語講嘢，唔洗我哋提，十分專業。