好少選擇，得三款車，而且冇得揀色，要到前一日先知！如果要指定顏色就要加二千蚊，加埋就會好貴。所以我只可以揀款，揀左架勞斯萊斯，佢俾咗架啡色俾我，望落似深紅。開頭覺得麻麻地，估唔到呢隻色影相都幾靚，因為當日個人著住條紅色嘅褂好sharp，同深紅會襯得好靚。加上我用咗啲鮮花佈置，雖然佢規定我哋唔可以掂架車，就惟有交俾司機處理，但最後個效果好靚。 司機著西裝打呔，都好適合婚禮嘅場合，影相又唔會入鏡，開車途中亦唔會多講嘢或者好八卦，揸車就只喺揸車，感覺好有私隱。