CY佢好talkative同開朗，喺一個好開心嘅人。我自己唔識photoshop嗰啲，不過覺得拎返嚟嘅相唔喺令我「哇」一聲嗰種。最初拎上手覺得可能因為未tune相先有呢種感覺，但喺執完返嚟好似又喺差唔多，total執咗一至兩次。但喺拎咗相簿見到啲相曬出嚟又OK，都幾靚，所以我又冇話好唔開心。記得佢一個動作都會連拍好多張，初頭傾嘢同埋揀相嘅過程佢好幫到手，問佢乜嘢都答到我哋。 其實天氣對佢有少少唔fair，因為影相當日太陽伯伯冇出到嚟，相唔太滿意可能同呢點有少少關係，所以扣咗少少分。 不過，雖然啲相唔喺哇一聲好靚嗰種，但反而remind我一樣嘢：相靚唔靚唔喺最重要，反而喺影相當日嘅memory。 我唔知其他新人點諗啦，但我同CY由第一日見三唔識七，到傾contract嗰陣大家想一齊去做好一件事，然後prewedding當日同埋化妝師助手司機一齊出發，好似一個team咁，好齊心好似一家人，CY可以俾到呢種感覺我哋。有佢喺到成日都唔會悶，佢可以帶到開心嘅感覺俾身邊人，感覺都好relax。所以我覺得相靚唔喺最緊要，而喺影相嗰日嘅memory，成為婚禮當中重要嘅回憶，而CY都成為memory嘅一部分。 CY真喺太忙，佢都幾搶手，雖然佢都有嘗試過請多啲人，但因為佢樣樣嘢都想親力親為，所以搞到自己好忙。 點都好，我好希望佢可以維持佢呢種咁開朗嘅性格，同埋佢真喺好似成為我哋婚禮嘅一份子咁，好多謝佢帶咗咁多歡樂俾我哋：） (P.S：我哋好鐘意佢個女，佢成日都話佢個女會好得男仔歡心，份人比較女中豪傑，但有時又會好女仔，所以都祝福佢個女開開心心！ )