我問我化妝師訂花球有咩好推介，佢就介紹咗Lemongrass俾我，話佢之前去另外嘅婚禮做化妝師嘅時候，見到呢間做花球做得唔錯。我淨喺同個叫Michelle嘅女仔電話溝通，冇見過面，但佢就好好人，一直跟開我冇轉過手，有咩問題亦好快覆我。佢問我鐘意咩顏色嘅花，我就講返大概鐘意咩款就OK。 佢間店喺屯門，但因為我喺青衣，所以就冇去咁遠交收。佢做得好好嘅喺，佢會喺前一晚幫我用gogovan送去我屋企樓下，話埋我知車牌同司機電話，方便快捷。 花球好靚，佢會用玻璃樽裝住啲花，襟花同另外淨低嘅花都會用玻璃樽裝住一次過送嚟。第二朝，我仲用佢俾我嗰啲花整頭髮造型。