（聯邦郵輪宴會中心） 揀呢度嘅原因喺因為我哋plan咗去郵輪碼頭影相，因為唔想兄弟姊妹走嚟走去咁辛苦，所以索性喺嗰到擺埋，咁樣影完相就可以去換衫食飯～我都睇咗好多間，但因為呢到個場同價錢都OK，交通雖然唔方便但亦有接駁巴士，我見又解決到呢個問題，亦冇聽到賓客話入唔到嚟，所以我諗佢都真喺有做到。只喺臨尾唔可以太晏走，差唔多11點半會冇車搭，但我哋都好好彩趕到。 不過，呢度嘅職員真喺好好！佢哋嘅職員全程帶住我哋，因為我哋冇wedding planner，佢哋就會有PR跟住我哋，令我哋成個過程都好流暢！可能因為呢度比較偏，以我所知唔會好full，所以我每次有咩問題打過去，佢哋都唔會好hea，反而會盡力幫我，都可以算喺即刻覆！ 嘢食都算好味，聽到朋友話唔錯。我嗰晚好忙，但問返朋友佢哋個個都話OK同好味嘅！