我一早喺兩年前book咗佢，因為佢booking太full，好好彩地仲要以當年落單個價錢計。 我哋見過佢上Big Boyz Club做訪問，又聽到朋友講起佢，知道佢做證婚監禮人做成點，同埋會提供啲咩服務，聽完之後覺得佢比我想像中做得多，而且仲做埋司儀！佢會幫新娘舒緩情緒同埋rehearsal，又會預先同新娘嘅父母講返簽名環節喺點，證婚嗰刻亦會從旁提我一陣要點做，又話我聽邊個位影相會靚啲，或者擺咩pose等等，會幫我諗好多嘢！證婚前同證婚後都會幫我考慮到好多。bigday前兩個月佢仲會約我出嚟check一check我啲個人資料同證件，有咩想問亦可以問返佢，佢好樂意解答。