本身去朋友婚禮，見到Ring’s Bridal啲衫覺得好靚，於是就去佢fans page睇同埋約咗時間上去睇，試咗一件婚紗之後就好鐘意，於是決定扑槌。 佢冇試衫費，但只可以試兩定三件。未試衫之前會坐低傾，佢會俾份問卷我哋填，鐘意魚尾／有冇lace等等問題，老闆娘阿Rings就會同我傾下我鐘意咩style，之後就會根據我嘅喜好俾三四件我哋試，我哋一望就睇中咗其中一件，試咗呢件之後我覺得好fit，好鐘意，有「The One」嘅感覺！於是就去馬。只不過喺價錢略貴，其他店呢個價可能已經租到四條裙加男士西裝，但我覺得可以接受嘅，因為佢全部裙都喺有牌子，亦好新淨。 佢哋一件婚紗都要八千八，但喺我老公話我鐘意就OK，佢都覺得個style好啱我。其實去呢間之前都有去過另一間試，嗰間講明唔會幫我改裙腳，但我覺得喺我搵婚紗，而唔喺我要就返件婚紗，所以冇揀到嗰間。但Rings會覺得，每個新娘子都喺獨特嘅，有佢自己嘅風格，就算著同一條裙，每個新娘都會著出唔同嘅style，佢嘅態度同諗法好似我，加上嗰日嗰條裙好似喺為我而設，改都唔洗改咁，所以真喺有「The One」嘅感覺。 Final fit嗰陣真喺改到啱啱好，亦keep得好新淨，亦好滿意。雖然婚紗好靚，但晚裝選擇唔夠多，如果顧客可以有多啲選擇就好。 另外，佢有個好特別嘅服務，叫make a wish program，新娘可以㨂一條婚紗而為你身型而造，但齋造一條婚紗已經要19800蚊，而且造完件婚紗都唔喺屬於你，你俾呢個價錢只喺第一手著，之後個擁有權都喺俾返Rings Bridal。我嗰件婚紗都喺之前有新娘用Make a wish program造出嚟嘅，我亦覺得好靚。