影outdoor prewedding之前，佢地會俾問卷客人填去增加對新人嘅認識，例如填番夫妻喺咩地方認識同過程喺點，之後嘅touch up都會配合番呢個地方，同埋會拍返我哋拍拖同成長嘅地方，呢點比較特別。 拍攝地方主要喺我成長嘅觀塘，佢地搵到一塊畫滿塗鴉嘅牆，而且因為我同老公都鐘意飲酒，所以去咗一個飲酒嘅場地影，同埋去返細細個成日去嘅地方。拍攝過程方面，我哋揀喺夜晚影，當晚6點喺沙田studio集合同化妝，之後就喺觀塘影到凌晨一兩點，雖然佢地唔介意個時間長，不過我哋就覺得有啲辛苦，同埋夜晚嘅觀塘太多警察，差唔多每個景點都有警察行過。另外，佢哋唔會格硬逼你做動作，而喺會提返我哋平時點樣相處，令攝影效果自然啲。但不足之處喺化妝師化咗成個幾鐘，時間控制差小小，同埋佢哋態度方面有少少被動。 Stanley嘅價錢比較適中，除咗俾哂全部copy客人之外，亦執左三、四十張相俾我，而且佢個態度又好誠懇！另外仲想讚讚佢哋，尤其喺customer service，喺電話上傾價錢同講流程都解釋得好清楚。而且佢哋又都好creative，唔會有好多guidance，仲送咗條短片俾我，令我可以喺facebook提親戚朋友出席婚宴！