當初我喺百利試過啲衫，覺得唔適合我。之後經過尖沙咀嘅Spring Wedding，俾佢嗰好復古嘅室內裝修吸引咗入去。我一望就覺得好似淺水灣啲設計，跟住發覺原來佢唔單止係專做淺水灣啲攝影，佢啲衫重專係為Verandah而設計 （我哋嗰陣已經揀咗Verandah），所以一入到去,試咗幾件,就決定係度租。 我租咗兩套衫，婚紗行禮嗰套同埋之後食lunch嗰套。有套衫好似Grace Kelly著嗰啲好古典嘅婚紗，而且相入面個model著住套衫影嘅相好浪漫，於是我就揀咗呢套。 當日服務我嗰位員工都okay嘅，決定租嘅時候其實都要俾埋錢，但係就唔需要俾試衫費，最後兩件衫total大約$9000。 最後有一點意見就係希望可以俾我試多幾次，雖然我喺啱啱開始籌備嘅時候試過一次，但到攞嘅時候已經係結婚嗰刻，中間其實都會好緊張套衫，所以都希望試多一兩次睇吓啲fitting啱唔啱，但係佢就要最尾幾日先俾到我試，令我有少少擔心。