周生生珠寶
Chow Sang Sang Jewellery
4.3

客戶評語

keaan91
5
精選評語
服務 / 婚宴日期: 2016.01.12
我係喺周生生嘅onlinestore買結婚戒指嘅。其實我之前都有喺另一個網度訂過求婚戒指,但到睇結婚戒指嗰時我又覺得佢地嗰啲款唔係咁啱,於是就再搵其他,睇到周生生onlinestore啲款都幾啱,就決定喺嗰度買。我覺得佢地嘅選擇都多而且價錢適中,都幾抵,大約四千幾蚊一對。咁網購始終就無得試戴,所以我...
我係喺周生生嘅online store買結婚戒指嘅。其實我之前都有喺另一個網度訂過求婚戒指,但到睇結婚戒指嗰時我又覺得佢地嗰啲款唔係咁啱,於是就再搵其他,睇到周生生online store啲款都幾啱,就決定喺嗰度買。我覺得佢地嘅選擇都多而且價錢適中,都幾抵,大約四千幾蚊一對。咁網購始終就無得試戴,所以我就用之前買求婚戒指嘅ring size同自己出去其他店度試戴去睇下應該揀咩size先啱。之後,我就上返佢個網度揀返想要嘅款同ring size。不過,嗰時咁啱我想買嗰款我要嘅size無貨,於是我就email聯絡佢地問下。後來我又懶得等,就直接打咗電話去同佢地傾。佢地話其實係有貨嘅只係個網頁未update,會去幫我update返。於是轉個頭30分鐘左右我再check就有貨,都算快手!至於payment嗰方面都係online payment一次搞掂晒都好方便。我覺得結婚戒指呢啲日日載就唔使買咁貴啦,最緊要夠耐用。 我訂嗰時其實就身在澳洲,我個婚禮都係喺澳洲搞嘅。於是我就托一個會喺香港過黎澳洲飲嘅朋友幫我運埋對結婚戒指過黎。所以嗰時我就留咗我朋友個名同電話號碼,收貨都係嗰個朋友代我去舖頭度攞。大約訂完兩三日左右,佢地就send個提取密碼俾我登記咗嗰個電話號碼,咁我朋友攞住嗰個有提取密碼嘅SMS就可以去攞貨。我覺得呢個方法幾好呀,又環保又方便。最後,我收到對戒指啲造工我都覺得好滿意。