花球我哋去咗沙田新城市廣場嗰間Agnes B.。我本身係鍾意啲圓形嘅花球，一啲比較簡單嘅，所以一揀就揀咗紅色玫瑰嗰個，可以襯番迪士尼紅色個theme。 攞花嘅時候發生咗一段小插曲，當晚係我老公去攞嘅，咁佢攞張單攞完啲花就番咗屋企，冇check到究竟有冇問題，於是我叫佢影張相俾我睇，原本落單嘅時候我要求咗襯紅色絲帶，我就發覺佢係襯咗一條白色絲帶，好彩最後去到都換得番，但係就一句「唔好意思」都冇。