James Allen Rings
4
no address
877-826-9866

客戶評語

keaan91
4
精選評語
服務 / 婚宴日期: 2016.01.12
當時我喺澳洲,想買一隻有石嘅求婚戒指。但其實澳洲啲零售真係好貴,連我識嗰啲澳洲人都同我講「如果你可以揀,不如喺外國網站訂啦」。加上我自己都幾多網購經驗,所以網購戒指我都算有信心,就更加認真去實行呢個網購計劃。不過話晒係求婚戒指,真係要睇定啲先買嘅。我諗大部分賣求婚戒指嘅美國網站我都睇過,都睇咗好耐,...
當時我喺澳洲,想買一隻有石嘅求婚戒指。但其實澳洲啲零售真係好貴,連我識嗰啲澳洲人都同我講「如果你可以揀,不如喺外國網站訂啦」。加上我自己都幾多網購經驗,所以網購戒指我都算有信心,就更加認真去實行呢個網購計劃。不過話晒係求婚戒指,真係要睇定啲先買嘅。我諗大部分賣求婚戒指嘅美國網站我都睇過,都睇咗好耐,有成十間八間,最後就揀咗JamesAllen。我覺得佢個網站整得幾靚,幾簡潔易睇,啲款式選擇都算多,睇落造工都唔錯,價錢睇落都無特別標貴啲咁。我揀嗰隻戒指就有粒0.86cat嘅石,佢會放大60倍睇下粒石喺點,同埋有張證書講返粒石啲切割同基本資料。我同佢個客戶服務都傾幾過幾次,覺得態度都好好,所以我睇完問清楚晒啲資料就訂咗一隻。因為需要俾隻戒指一成價錢嘅清關費,最後我就俾咗五千五百蚊澳紙買嗰隻求婚戒指,澳洲肯定呢個價就買唔到喇! 不過佢送貨嗰方面就有少少甩漏,主要係清關嗰度出過少少問題。原本佢應該將隻戒指運黎Melbourne port嘅,點知就運咗去Sydney port。始終求婚戒指咁貴重嘅嘢,我喺網上check到佢地搞錯咗都有啲擔心。不過我都對佢地有信心嘅,因為成個運送過程都可以喺網上track住。我睇到運錯咗之後就直接打去搵返速遞公司跟進,再寄返過黎。於是佢地就安排將隻戒指由Sydney port再運返去Melbourne port清關,最後大約同預定日期延遲咗四至五日就收到隻戒指。