我一開始係諗住係九龍塘擺酒既，嗰時太衝動俾埋deposit，但係嗰到最多可以擺12圍，後來發現唔夠位，所以轉左去如心，最後擺左22 圍。我big day 係星期六，嗰日好難搵到場地，我八個月前開始搵個大啲嘅場地，好好彩俾我搵到。我係去41/F 個sky lounge, 個場靚過九龍塘嗰個好多，有條玻璃天橋可以望到樓下，左右仲有海景，連青馬大橋都見到! 我個sales 係Clara Poon, 佢跟得好好。我自己係做event 嘅，所以要求好高，所有嘢都會問得好清楚，我嗰時幾個月前已經係咁上去問佢嘢，佢都好有耐性。我好緊張嘅時候，佢仲安慰我! 不過有啲 guest 同我講番我講緊speech 嘅時候附近有人搬嘢，所以唔係好聽到我講嘢。另外係酒店有送一晚酒店房俾我，咁我big day嗰日影完外景，諗住去酒店攞房要即刻轉妝，但係當時櫃台好多客人，佢竟然要我排隊，重話「正常咁嘅情況，都應該要排隊嘅。」雖然佢最後都有俾間房我嘅，但我覺得佢唔應該同客人講呢句。 食物方面，其實我淨係食左兩件燒豬同一啖翅，但係overall ok 既。夜晚有送嘢食上房，不過d 食物都凍曬，食唔出好唔好味。