我哋去咗威尼斯同巴黎影pre-wedding，係搵PhotobyBen影嘅，都係朋友搵過佢然後介紹俾我。去影之前當中佢有提吓我哋要帶啲咩，同埋提番有關啲衫嘅細節，而租衫我哋係另外租嘅（個package冇包租衫）。 去到嗰邊之前佢哋都有俾間酒店我哋同我哋夾番點會合，希望會住番近啲，就番化妝﹑出發時間同埋集合地點，所以我哋最後都揀咗同一間酒店。 我哋影嘅時候係五月，嗰幾日真係好熱﹗當時真係好辛苦，我都有少少面有難色，好彩成個過程都好順利。當時除咗Ben之外仲有一位化妝師同埋一位負責拍making-of嘅同事，佢哋係好熟啲景點，因為之前都影過好多次威尼斯。我哋要求要影嘅gondola都有影到，即使影嘅時候浮嚟浮去佢都處理得好好。 諗番揀相嘅過程其實佢哋真係好快手，我哋喺巴黎佢已經俾到相我哋揀，我哋番到香港揀哂之後佢都好快俾到相我哋，一個月內已經有，整體都好滿意。