其實pre wedding一路都睇唔啱，甚至都放棄咗搵人影諗住自己影就算。到最後朋友介紹 Terence 就諗住都係見埋呢間就算數，點知見到 Terence 既時候，佢同我哋既溝通就發現佢真係切合到我嘅需要去為我準備我想要既嘢，而唔係好似其他攝影師嗰種反而要我哋配合返佢地要求去影。當時並唔係因為 Terence 啲相，而係因為佢對我哋嗰份態度同埋重視我就決定搵佢幫手。 我同我老公對影相都好有idea，而我哋特別鍾意啲互相都有啲 interaction 嗰種風格。 當日去到沖繩影，我哋都唔覺得自己係去影相，真係好似去玩咁，好多人話影pre-wedding好辛苦，我哋反而係好relax。Terence俾好大自由度我哋，基本上等我哋好隨便咁，好似平時相處咁而佢就係旁邊影，真係我哋先點就點，感覺好自然。所以我哋由頭到尾都冇咩點擺pose，都係靠Terence自己去捕捉，出到嚟個效果真係好好，完全係我心目中想要嘅嘢。 最後就係籌備當中都發生咗一段小插曲，出咗啲事，不過好彩出到嚟結果反而比預期仲好！其實原本我哋揀咗一間白色小教堂，當初問過都係有期嘅，但係就要一個月前先可以book，點知間教堂臨時轉咗policy唔俾外來人book！當時都真係好驚，好彩最後 Terence 都幫我哋搵到另一間，驟眼睇嗰樣係冇咁鐘意，但去到影咗出嚟就真係好好，非常之特別！個個朋友都話好靚，而 Terence 全程都好 helpful，總之就係點都會幫我哋搞掂佢! 所以好感謝 Terence 咁配合我哋影一輯屬於「我哋」既pre wedding!