結婚戒指我哋係去元朗謝瑞麟買，先前都行咗好多間，都係覺得謝瑞麟啲戒指個design最好睇，而太太都好鐘意。隻戒指中間有粒石，上面係磨沙下面係令面，我同太太嗰隻係一樣。揀戒指嘅時候佢好有耐性咁同我哋慢慢解釋，又拎好多款俾我哋睇，時間上都配合到我哋。我知道其他珠寶行如果要改大改細係要收附加費，又要兩個禮拜先做到俾我哋，謝瑞麟就唔需要收附加費，同埋十日就俾到我哋。包裝方面我哋個盒一打開就有個logo，如果可以特別啲就更加好，我見過有啲個盒係用木造，比較有特色。