我哋去咗屋企﹑城門水塘﹑山頂同埋中環碼頭影。係！我哋Pre Wedding 真係揀响屋企影，同人講都覺得好特別，而當初我同Ming Yung 講佢都毫無猶豫覺得好okay，因為我想同我啲貓影而我都知道通常啲人都係喺studio影。咁當日就麻煩佢哋上咗我屋企，始終動物係難啲投入，佢用咗好多心機引我啲貓望鏡頭，即使我知道佢唔係特別鐘意貓佢都好專業。 之後我哋去影外景，佢喺時間分配方面都好平均，我哋喺正午去城門水塘，佢都搵咗啲樹蔭位，一嚟影得靚啲，二嚟我哋冇咁辛苦，所以都係舒服。另外我哋都係第一次影呢啲相，佢都有教我哋擺pose，我哋唔識擺佢又會示範，佢都好有耐性。有時我哋好僵硬冇咩笑容佢又會叫我哋唔好咁緊張，見我哋影到攰又攞啲朱古力出嚟俾我哋食，等我哋補充番體力。 到咗之後揀相都揀到好多，最深刻係同貓影嗰啲同埋山頂影嗰啲，因為有一張影到個海同埋夕陽，另外有啲係影到好似剪影咁。佢交相俾我哋仲比佢預期時間快少少，個album做出嚟都好靚，個封面係皮造，啲紙都好厚，造工好細緻。整體嚟講佢真係一個好用心嘅攝影師，同埋好捕捉到我哋好sweet好開心嘅moment!