場地佈置我哋揀咗帝京介紹嘅K&S，佢本身包咗個backdrop同reception table，係好簡單嘅。個backdrop有塊白布，上面有兩條草，仲有啲有閃粉嘅字，reception都係差唔多，所以唔加錢係唔係幾揀得落手，之後我哋加錢換哂啲嘢，加咗人名嘅logo。 當初個負責人(Kenny)好似唔係太可靠咁，好似當初我俾張相佢做reference，轉頭佢就話唔見咗張相，好彩之後都搵到類似嘅。另外啲單又寫錯咗，例如當初agree咗有八支燈，佢就寫咗六支，之後追番佢叫佢改單，但係改完又冇send俾我，可能行政上真係混亂咗啲，好彩出到嚟結果都係靚，都符合我要求，好grand。因為我哋之後upgrade咗，可能設計有改動，佢都有重新幫我哋諗過。當初傾嘅時候態度係okay，佢好active又好多ideas咁，但總係whatsapp就唔係好覆，其實主要都係行政問題。 記得當時本來就係喺九龍仔公園證婚，但係因為天氣惡劣就要去番酒店證婚，Kenny都好快同我搞掂證婚佈置，酒店都好好，可以早啲俾個場我哋做室內證婚。