花球我哋搵咗花墟嘅卉豐，我有啲朋友整開花藝都係搵卉豐。佢啲花真係好靚，我係俾佢啲蕙蘭同埋繡球吸引咗入去，入到去佢俾啲catalogue我睇，我睇咗比較平嗰啲，都係好靚。 最後我揀咗兩個花球，係紫色同紅色，佢都俾咗好多意見我，例如出門要襯咩色靚啲；另外我同佢講我唔鐘意玫瑰，佢就建議我用紫色繡球去混集一啲紅色玫瑰，佢養嘅花都好好，真係養足水，去到嗰朝都仲好新鮮好靚。去到下晝就係蕙蘭，本身我唔係揀呢隻色，係後來想揀淺紫，係嗰個月先有，佢又幫我配搭得好好，係淺紫拼白色，好elegant。 到個花球到手真係嚇一跳，佢係入咗落個紙箱度，啲襟花就放喺紙袋，估唔到係比相更加靚，因為佢話整花球個師傅病咗，所以出動咗最大嗰個師傅，佢本身淨係做大型花藝佈置，所以個花球出到嚟真係好靚!