我喺沙田麗豪酒店擺酒，因為喺隔離間天主教教堂行禮，貪方便就揀咗呢間酒店，五分鐘就到間酒店。我哋搵佢哋係walk in，佢冇咩點銷售，但係個經理Clement Chan跟得好好，佢好sincere同埋有求必應，我係喺pool side結婚嘅，但當時二月係冬天，泳池應該係冇水嘅，酒店本來就話要加$5000，經理因為係餐飲部嘅，所以佢都控制唔到，但佢都好好，佢叫我加多幾圍佢試吓再同佢上級傾吓，最後全靠佢就唔駛加錢，另外佢仲送咗candy corner同埋回門豬俾我。 佢有大場同細場俾我揀，我係揀細場(紫荊廳)，因為想就番同個泳池同一層，但係佢個場就design得唔係幾好，係有一個好長嘅牆擋住咗中間，好似將個場分開咗兩邊咁，有三份一個場係block住咗。我哋冇用到佢個平台同埋冇喺個場入面影standard相，主要係喺poolside march in﹑影相同埋講嘢，所以其實個牆對我影響都唔大，但係佢冇做到直播，廳入面係唔知swimming pool發生咩事，好彩個poolside都夠企二百個賓客。當初我都好擔心唔夠企，同埋唔想啲老人家吹風，但係好可惜就冇直播，令啲老人家都要出埋去，希望改善就係可以加番個電視機做到直播。 當日除咗Clement仲有幾個經理，Clement就真係好好，另外有兩個隨身跟住我嘅妹妹真係好好，噓寒問暖﹑遞紙巾﹑幫我睇住條裙，就算係喺swimming pool影portrait嘅時候佢哋都幫我鋪好條裙。另外就係我寫咗份script想當日講，但係又搵唔到位放，佢哋就好有心咁幫我袋住，到最後佢哋就算放緊假都幫我袋住，之後俾番我做紀念。 但係其中一個經理Simon好有問題，我家姐送咗一對香檳杯俾我合巹交杯用，係decorate咗一隻係新娘一隻係新郎咁，唔知點解有個waiter mit爛哂我啲decoration，到最後隻杯仲唔見埋，最後個經理竟然屈落啲下屬度，仲冇say sorry。