我見好多人搵Jan Wong，而且我見佢啲相好自然，唔會做好誇張嘅effect，又好識捕捉新人嘅神情，所以就搵佢幫手影Bigday。我哋影咗成日，只喺有一小段時間喺跟佢擺pose，其他時候佢都會捕捉我哋自然嘅一刻。雖然本身仲有諗過搵其他人，例如Kay Chu，但佢冇期，價錢又貴啲，所以最尾搵返Jan，不過最後我都真喺冇後悔搵Jan，因為同佢part喺十分輕鬆同開心！ 我想讚一讚拍video嘅Quinton，因為我哋非常之鐘意條片！雖然本身唔識Quinton，但喺Jan studio發現有個朋友搵咗Jan同Quinton兩個幫手，所以我都指定咗要佢哋兩個。 可能Jan比較忙，上去要等佢一陣先可以傾。而且，通常攝影師會喺bigday前同新人再傾傾，不過可能因為bigday嗰排Jan超級忙，所以就冇同我哋傾流程，只喺前兩日問我拎rundown睇。不過我唔喺好著重呢樣嘢，所以都覺得ok。 一朝早佢哋8點鐘到，本身我叫咗room service幫我執房預備影相，因為當時仲未有人到，Jan竟然親自幫我執床，所以好欣賞佢為咗效果好而親身幫我執床！另外，斟茶嘅過程好smooth，行教堂都喺，唔洗特登stop俾佢影相。收到金器利是嘅時候就停一停俾佢影，冇話overun，只喺take幾take就得，唔會好花時間。 令我好感動嘅喺，晏晝嗰陣佢哋堅持唔食lunch，陪我哋喺教堂影相，成隊crew 5個人都冇得食，所以有少少覺得唔好意思，令佢哋最尾要企喺到食外賣，只喺為咗影多啲相。 雖然我哋唔介意bigday前冇得傾rundown，但對其他新人嚟講，有個小meeting傾返rundown會好啲。另外，通常package會包埋成長片段，Jan雖然有包，但真喺非常之普通，我當時睇咗sample，只喺一個好普通嘅powerpoint加音樂。如果佢呢方面可以做得好啲就好喇，所以我最尾冇用到佢嗰條成長片段，另外出面搵人整。 不過，我都真喺要講佢喺一個好專業嘅攝影師！佢影相嘅時候好真情流露，又可以capture到賓客嘅神態，而唔洗人地就佢，加上佢真喺好有經驗，出好多wedding，令成個流程好smooth，所以好感激佢幫我影我嘅big day！