當初認識Angus係朋友介紹嘅，先前都compare過其他攝影師，不過都係一揀就揀咗Angus，因為覺得佢啲相真係幾靚，啲pose會比較唔老土。我哋溝通都係一路用電話，只係租衫嗰陣見過一次，佢都係任我揀自己想揀嘅衫，溝通都算okay。 喺影pre-wedding之前佢有俾之前人哋影嗰個場景嘅相我參考，pose嗰啲都係當日先夾，都係想順其自然。到咗攝影當日，成個互動都okay，有啲pose佢會親身示範，個妝就比較平淡，冇咩驚喜，唔算話好特別。之後到咗揀相同執相我都滿意，都只係執一次就okay，冇話有邊度有問題。到收到相簿都真係覺得好靚，排版唔錯，例如有啲連頁嘅相，面頭又有啲字咁，開頭真係冇expect過會排過啲相。 Angus真係一個好好既攝影師，好多嘢佢仲緊張過我。因為我份工要番shift，有時我約唔到嗰日佢會即刻好緊張同我再約過，有時我唔記得覆佢佢又會再問我，真係好好！