揀Four Seasons擺酒就係因為對佢一直都情有獨鍾，當中都有睇過其他酒店，但係好多方面都唔係太啱心水，Four Seasons各樣都幾好，又新﹑裝修又幾靚，所以就揀佢哋喇。 佢哋冇參加婚展，所以我哋都係直接打電話入去，sales同事Kelly Hung好detail好細心同我哋講解。一個wedding都真係好多detail要處理，我都煩咗位sales好多次，佢都係全單接收，就算我結婚嗰日係星期日佢都會過嚟睇吓我哋。 當日Four Seasons嗰邊有個同事全程跟住我，佢真係好好，會教我條裙點樣擺點樣鋪，件衫歪咗又會幫我整番好。我淨係飲sparkling water，之後我一想飲水佢都記得拎sparking water俾我，真係好醒目。 當日啲食物都好好食，仲會有人講解每一碟係點整，屋企人有嘢問佢哋都係有問必答，咸甜都可以再adjust。 當日有段小風波就係我有個盒裝住啲花，個盒睇落好似冇咩嘢咁，但係就夾住咗新郎個花襟，執房嗰個人就成個盒掉咗，好彩最後都搵得番個盒。 整體都好滿意，我覺得最有心就係佢包埋五至六個宵夜dish，當日我都有嗌到。之後嗰日我起身已經miss咗早餐，佢又俾我補番。