香港四季酒店
Four Seasons Hotel Hong Kong
4.6
香港香港島中環金融街8號
3196 8888
中式婚宴
西式婚宴
證婚典禮
最新評論
整體滿意度
4.6
過濾評語:
sifqew4
5
精選評論
服務 / 婚宴日期: 2017.06.03      
其實我所有野都好趕急,開頭我地係想揀Repulse Bay,但因為食既野唔啱口味,後來揀咗Four Season。

佢地服務態度真係好好!同我傾既人叫啊Ming,佢唔會故意調高黎賣,好多野都好flexible,例如因為我地話四季好貴,佢就即刻比咗三個套餐比我地揀,咁但係當然啦最好嗰個一定係貴啲,咁我地就話最top個個太多野食喇,因為講真最後啲人都未必會食甜品。其實本身成個package係固定咩野食既,無得轉,但後來同佢地傾咗幾次佢地都話明白我地唔想浪費同埋想用少啲錢,佢竟然幫我重新整過個package,我地就由本身最貴既package變咗中價個個package再加多800幾蚊就得,本身個中價既package已經好正,出面其實唔會咁樣幫我地安排,佢地真係肯同我地溝通~~

整體所有野都好食,服務態度一直由試菜到最後都好好,食物質素無變過,佢仲要安排咗個三星米芝蓮大廚比我!個個都食到好開心,全部都食曬,啲菜式真係好有水準,無一個賓客話唔正,真係覺得自己好lucky!!! 閱讀更多
Mandee920
5
精選評論
服務 / 婚宴日期: 2017.01.22      
原本我係去另一間酒店,但有少少不愉快事件,個間酒店臨到聖誕節就消失咗人,個陣我好迷惘,覺得肯定無人理我,後來就randomly搵到four season,對佢地真係覺得好滿意,全晚餐飲部既經理alex都跟得好足仲好識照顧我老爺,同老爺好仔細咁傾啲餸點樣安排,點樣keep warm啊。Big day 前不停同我地開會,又交代得好好,然後個sale agent Charlotte又係一流,而當晚有個女仔拎住我條裙跟住我周圍跑嗰個女仔叫Angeline都真係好好!

我就啱啱年尾12月31號出席我朋友係four season既擺酒,我係現場又見返alex!alex仲係認得我同我老公,仲記得我地係年頭擺酒,真係好amazing,服務一流!!就算當日我擺酒場地有小朋友係度呱呱叫,alex都好快就spot到,然後安排咗我朋友去一個出面既地方,搬埋張凳比佢,拎曬啲餸去服侍我個媽媽朋友,我係之後朋友同我講我先知。

而另一個媽媽要餵奶,佢地就安排咗一間好 private 既房,搵個同事企係出面門口寸步不離咁等個媽媽泵完奶出黎,而個間房雖然本身都有鎖,但佢都仲有安排一個人企係出面直到個媽媽出嚟,每一個位都令到我好 touch,跟得好足之餘仲要超班。Sell我哋既時候又唔會逼我,解釋比我聽有咩option,之後就睇幾多幾多次場都得,開會仲開得好有安排,半年前開一次,三個月又開一次,一個月前又開一次,其實佢地咁樣可以令我地有動力啲去做嘢 ?,有多時候都係靠佢地講rundown,講得好清楚,五星級價錢都真係有返五星級既服務,值!! 閱讀更多
聯絡資料
3196 8888
catering.hkg@fourseasons.com
最新優惠
聯絡商戶