一開始攝錄師就諗住喺Kelvin Shot同Promotion Workshop當中二選一，但係一年半前搵Kelvin Shot已經無期，所以最終就搵咗Promotion Workshop負責拍片。睇過Promotion Workshop個網站同D片，真係好滿意D片既質素，早拍晚播D片都拍到好似韓劇咁。攝影師方面，我哋喺佢合作嘅攝影師裡面睇過，覺得Kenny D相係最符合我哋要求，所以就揀咗Kenny做影相。我哋係一次過俾錢Promotion Workshop，佢幫我聯繫Kenny Tsang。 同我哋聯繫同拍片既Vincent個人好有planning，未落訂就已經會講曬Big Day個日會點拍，同埋咩角度會拍得靚D，俾到好大信心我哋。落咗訂之後間中都有whatsapp 聯絡，例如教堂同擺酒嘅地方都有問佢意見，不過就無見面，直到Big day 個日先再見。我覺得中間聯絡嘅機會比較少，個段時間我哋都有D擔心，之後我哋主動聯絡佢，佢都有覆既，不過如果佢可以主動D會令我哋信心大D。 Big day 當日佢哋表現好專業同埋好有要求，有D鏡頭唔好會叫你再做多次，務求將段片做到最靚先俾賓客睇，D賓客睇完段片之後都覺得好好。攝影師由頭笑到尾，連雙方父母都讚，佢仲做埋大妗姐個份，講D說話令到兩家人都笑得好開心！另外，想讚嘅係佢仲肯幫賓客用電話影相。