一開始我要搵婚宴場地佈置時，諗住是但搵間，於是喺婚展度見到Function Decoration啲相OK同價錢resonable就揀咗。 之後大約7/8月左右，我就send咗張相俾佢睇同佢講我大約想做點嘅design，希望佢哋可以出啲artwork俾我望望，嗰時都仲有時間(我wedding喺1月)。佢收到後話會盡快send返啲artwork俾我睇。不過之後拖咗大約個幾月到10月左右，時間幾緊迫了都未有，我就再問佢，然後又拖咗一排先send到個artwork俾我。嗰時佢就同我講只係可以大約做到點樣，因為間間公司都唔同，唔可以做到一樣。但我睇落個artwork真係太唔似樣，只好再喺佢哋自己個website度睇返佢哋嘅作品，再話想要邊個design。點知，佢哋就同我講其實我鐘意嗰啲部分係某間酒店default有，之後就唯有再轉。但最後睇完問完好多都話唔係佢哋做，呢啲又話做唔到。雖然我唔係俾好多錢，但我真係唔expect會咁。一開頭我仲幾放心，真係無expect會有咁多嘢做唔到，而且諗住佢哋都可能會幫我諗吓辦法。另一方面，佢哋又太遲先覆返我，令我覺得自己好似迫住要用佢哋，都無得走咁。 嗰時都無咩時間，其實我都好驚，咁短時間又要再搵其他公司。我都預咗無得退訂，但唔問就點都無，所以都有問吓佢哋。佢哋聽完就話係無得退，話「因為你係睇完我哋公司嘅design覺得鐘意先落訂，可能我哋公司未必係做到啱你口味，但呢個唔可以係退訂嘅原因」。之後佢就話可以加錢轉做welcome board同reception table decoration，但我已經唔想再糾纏，就同咗佢哋講算啦。於是最後佢哋就幫我做咗個俾賓客影相嘅Instagram相架同signage banner俾我哋。