Wemember Limited
4.3

客戶評語

K0719
4.5
精選評語
服務 / 婚宴日期: 2016.01.03
我有朋友識一間婚宴場地decorationhouse叫WememberLimited,老闆係Roy同Jess。因為係新開唔係太多客,所以都想做吓熟人嘅生意儲吓profile先,問過我有無興趣搵佢哋。不過一開始嗰時我睇過佢哋facebook作品覺得都一般又好新,所以就無搵佢哋。 但最後我之前嗰間唔O...
我有朋友識一間婚宴場地decoration house叫Wemember Limited,老闆係Roy同Jess。因為係新開唔係太多客,所以都想做吓熟人嘅生意儲吓profile先,問過我有無興趣搵佢哋。不過一開始嗰時我睇過佢哋facebook作品覺得都一般又好新,所以就無搵佢哋。 但最後我之前嗰間唔OK好趕先再轉(1月結婚,11月先再搵decoration house),所以我就無再睇其他直接去搵Wemember Limited佢哋幫手。因為有過之前嗰間唔係咁好嘅經驗,一對比之下我就覺得Wemember佢哋係有心好多。我第一次contact佢哋嗰時係星期六日whatsapp佢,佢都好快覆返我,然後聽我哋想要咩theme嘅backdrop design之類。之後嗰個星期佢哋就去咗間酒店度睇場地backdrop要咩size,再同我分析返或者做另一款物料backdrop會較好。跟住,佢哋仲好快出埋artwork俾我睇同send quotation俾我,嗰時我仲要係未俾deposit的,真係好好!!! 最尾佢哋俾我個quotation都唔係平,但佢哋令到我感覺到真係有間公司係好落力同全心全意咁幫你跟啲嘢,所以好放心,完全睇得出佢哋嘅誠意。除咗一開始嘅好印象之外,佢哋仲有其他令我好有印象嘅好service。雖然佢哋間店喺觀塘,但嗰時佢話因為實物同電腦睇啲色會唔同,於是佢就印咗幾個版攞出銅鑼灣俾我睇睇先。然後我個welcome board當初係想一開始就印晒啲名上去,因為我見好多人都係咁樣做。同佢哋傾完之後,佢哋就同我講好多couple到on site嗰日個seating plan都好多嘢會轉,就suggest出一個框嘅design俾我,到嗰日先將啲人名同圍數貼上去,呢啲suggestion真係令我睇得出佢哋好細心。感謝Wemember Limited嘅幫手,令到我好放心而且有一個好靚嘅wedding!