Piaget
4.7
香港金鐘金鐘道88號太古廣場1座3樓322號舖
29181823

客戶評語

queeniecmk
5
精選評語
服務 / 婚宴日期: 2016.06.12
我哋嘅結婚對戒係Piaget嘅Possessioncollection入面嘅一款設計,戒指中間有一個圈可以轉。我就係睇中呢個特別嘅設計先幫襯Piaget。 去到中環嗰間店,我覺得佢哋店面好光猛,而二樓係有一個bridalbar嘅area係專門推介戒指款式。由於我哋本身已經喺網頁度睇咗啲款,所以好快...
我哋嘅結婚對戒係Piaget嘅Possession collection入面嘅一款設計,戒指中間有一個圈可以轉。我就係睇中呢個特別嘅設計先幫襯Piaget。 去到中環嗰間店,我覺得佢哋店面好光猛,而二樓係有一個bridal bar嘅area係專門推介戒指款式。由於我哋本身已經喺網頁度睇咗啲款,所以好快就揀到同埋試埋尺寸。嗰度嘅Staff整體都好friendly,唔會好hard sell,俾我哋嘅感覺都好舒服。佢哋介紹戒指嘅story同牌子background都好詳盡,聽完感覺都好特別,原來廿幾年前已經有呢款設計,嗰時嚟講真係好創新。佢哋話呢款戒指係由2個圈組成,一個識轉,一個唔識轉,就好似兩公婆一齊又各自有自己嘅空間。 佢哋Packing都好elegant,係一個金色嘅戒指盒裝住一對戒指。我嗰隻係幼身嘅白金料,有石款。我老公嗰隻有7粒石,我嗰隻就係一圈石。我覺隻戒指都戴得好舒服,好貼手,又唔會覺得有嘢喺手頂住咁。佢哋有offer刻字服務,不過我哋因為諗唔到刻咩字好就無刻到了。好似喺買完嘅某一個限期內可以免費刻,或者遲啲我哋諗到再返去刻都可以。