其實本來我唔係搵QueenieW Art & Makeup，係喺Facebook度搵咗另一個女仔化妝師，連訂都落晒。但後來因為佢大咗肚，所以臨結婚前9個月左右佢就同我講佢唔可以幫我手。雖然話9個月前都算仲有好多時間，但嗰吓突然間我都唔知點算，諗住一早confirm晒，又要開始再搵過。之後，佢就同我講，幫我問咗佢師傅嗰日有期，但價錢會貴少少，睇下我O唔OK。我心諗話晒佢手妝都係佢師傅教出嚟就應該OK丫，於是我就上咗佢師傅嗰度試妝，就即係Queenie喇。Queenie不愧係佢師傅，化得仲好過原本我搵嗰個，所以都算係因禍得褔！ 試妝嗰時佢未有studio，要上佢屋企度試妝。不過佢真係好快手，2個幾鐘就已經試好個妝同2個髮型，仲要係好睇，所以我當日即刻confirm咗用佢。之後，佢就話到時我揀好衫可以SEND相俾佢睇，同埋到結婚前可以一齊再傾吓啲造型。嗰時我真係無諗過原來仲可以傾造型！後期佢有studio之後，我就上咗去佢studio度傾。佢俾好多相我睇，一齊睇吓傾吓邊套衫可以襯啲咩造型。 BIG DAY嗰日佢跟足我全日，又有助手幫其他姊妹化妝。嗰日嘅妝都同試嗰時一樣，如實做返出嚟。我之前同佢講過話我想要好多鮮花飾物，佢就買咗一隻叫蒙羅麗莎嘅白色花，俾我用嚟做證婚嘅decoration。佢唔單止幫我做多咗，最令我深刻印象嘅係佢當日即時幫我織咗個花圈！因為我有個朋友幫我做花球，又預備咗好多頭花，Quennie佢就用啲花即時幫我織咗個戴喺頭嘅花圈，喺我迎賓之後進場嗰時用，我真係超鐘意！另外，我本身比較易喊都有佢講定，佢就同我講「你盡情喊啦！ 唔使擔心架！」。嗰晚進場後，我上台多謝屋企人嗰時當然就喊爆咗。之後佢就問「你食唔食嘢先？如果你唔食我哋宜家可以多少少時間入去整整個妝」。其實我唔食都得，所以當然係去咗整妝啦。佢即刻幫我落咗個眼妝然後補返少少遮返黑眼圈，佢話因為嗰時甩咗嘅再補會好難，落咗再化效果會好好多。佢好快手就已經幫我執返好晒個妝。 講真，嗰時我原本個化妝師話大肚唔可以幫我化時，我都睇過其他化妝師，好多跟全日都要$10000起，我覺得以佢咁嘅技術算平！同埋，髮型如果可以俾10分我會俾10分，個花圈頭飾真係好靚我超級鐘意！
其實本來我唔係搵QueenieW Art & Makeup，係喺Facebook度搵咗另一個女仔化妝師，連訂都落晒。但後來因為佢大咗肚，所以臨結婚前9個月左右佢就同我講佢唔可以幫我手。雖然話9個月前都算仲有好多時間，但嗰吓突然間我都唔知點算，諗住一早confirm晒，又要開始再搵過。之後，佢就同我講，幫我問咗佢師傅嗰日有期，但價錢會貴少少，睇下我O唔OK。我心諗話晒佢手妝都係佢師傅教出嚟就應該OK丫，於是我就上咗佢師傅嗰度試妝，就即係Queenie喇。Queenie不愧係佢師傅，化得仲好過原本我搵嗰個，所以都算係因禍得褔！ 試妝嗰時佢未有studio，要上佢屋企度試妝。不過佢真係好快手，2個幾鐘就已經試好個妝同2個髮型，仲要係好睇，所以我當日即刻confirm咗用佢。之後，佢就話到時我揀好衫可以SEND相俾佢睇，同埋到結婚前可以一齊再傾吓啲造型。嗰時我真係無諗過原來仲可以傾造型！後期佢有studio之後，我就上咗去佢studio度傾。佢俾好多相我睇，一齊睇吓傾吓邊套衫可以襯啲咩造型。 BIG DAY嗰日佢跟足我全日，又有助手幫其他姊妹化妝。嗰日嘅妝都同試嗰時一樣，如實做返出嚟。我之前同佢講過話我想要好多鮮花飾物，佢就買咗一隻叫蒙羅麗莎嘅白色花，俾我用嚟做證婚嘅decoration。佢唔單止幫我做多咗，最令我深刻印象嘅係佢當日即時幫我織咗個花圈！因為我有個朋友幫我做花球，又預備咗好多頭花，Quennie佢就用啲花即時幫我織咗個戴喺頭嘅花圈，喺我迎賓之後進場嗰時用，我真係超鐘意！另外，我本身比較易喊都有佢講定，佢就同我講「你盡情喊啦！ 唔使擔心架！」。嗰晚進場後，我上台多謝屋企人嗰時當然就喊爆咗。之後佢就問「你食唔食嘢先？如果你唔食我哋宜家可以多少少時間入去整整個妝」。其實我唔食都得，所以當然係去咗整妝啦。佢即刻幫我落咗個眼妝然後補返少少遮返黑眼圈，佢話因為嗰時甩咗嘅再補會好難，落咗再化效果會好好多。佢好快手就已經幫我執返好晒個妝。 講真，嗰時我原本個化妝師話大肚唔可以幫我化時，我都睇過其他化妝師，好多跟全日都要$10000起，我覺得以佢咁嘅技術算平！同埋，髮型如果可以俾10分我會俾10分，個花圈頭飾真係好靚我超級鐘意！