我喺Babie Wedding度租衫，因為我唔係太鐘意浮誇蛋糕裙，而呢度嘅裙款比較簡單，而且價錢真係好抵，所以我哋就揀咗佢！呢度$3680包5套衫，拖尾婚紗就加$500，之後我老公都訂咗兩套（加咗$700一套），一個地方搞掂晒！ 呢間店啲款係比較簡單，偏向一啲比較簡潔嘅設計。預約可以免費試五套，佢俾個ipad你睇然後揀好再試。另外，可以hold兩次衫，但無限次試。佢哋啲服務都好好，唔會hard sell，好nice。 攞衫時，啲衫啲狀態都好好，又好新淨。還衫時都好順利，佢哋都係睇吓啲拉鏈位同有無爛之類，就俾返張訂金支票我。