當初揀Holiday Inn係因為有朋友喺嗰度擺酒，啲食物﹑環境同埋layout都符合到我哋要求，而且亦係within我哋budget。我哋最初係直接上去同佢傾，佢哋又唔會好sell我哋。我哋當然會ask for多啲嘢，但係佢哋都stand得幾firm嘅，所以都冇咩話加到啲咩，但係overall呢個價錢都值嘅，本身佢都有做啲package，所以都okay。服務我哋嗰位sales係Grace，佢態度都okay嘅，一路都係佢負責我哋個case。當中Grace都有keep住send email俾我哋，可能俾個timeline我哋幾時要俾到啲咩佢，幾時要ready啲咩咁囉。 但係有個嬲嬲哋嘅位，就係係結婚前一個月我先知道，佢哋大堂突然有裝修工程！因為其實我都成年之前book場，佢從來都冇mention過裝修呢件事，until我哋同個sales final meeting先見到間酒店圍咗板，問番個sales先知係management嗰邊好突然有緊急情況咁落咗呢個決定話要裝修，所以就好快圍咗板。我哋嗰時都好嬲，始終成個lobby冇咗係好大問題，最大問題係連拍車啲車位都影響到(因為圍咗板成個拍車area細咗)，甚至停車都唔停得，會影響到出門各樣嘢。我哋都有同佢反映番，佢哋最後都有道歉同做番少少compensation咁，幫我處理好車位問題，俾番啲snacks同drinks我，俾我extend時間等等，對我哋嚟講呢啲都好minor，所以最後我哋都ask for少少discount。最主要嘅阻礙就係停車嗰個位啦，你始終都要影吓相架嘛，咁佢之後都盡量幫我extend影相個時間，盡量幫我截住啲車等我影完相先俾佢哋入咁樣，但係始終都係會影到啲圍板。 當晚我印象中所有嘢都okay嘅，只係個新娘房有啲舊，雖然影出嚟都未必睇到，但係如果可以翻新吓效果會好啲。不過我真係要讚一讚Big Day跟我嗰位assistant，當晚本來唔係嗰位assistant assist我嘅，係咁啱有啲人手調動臨時通知嗰個女仔跟住我一晚嘅，咁但係嗰個女仔係非常之細心同埋好熟成個流程，好多嘢反而都係佢remind我我先至知。最深刻係佢可以隨時ready啲紙巾，可能當晚有多感動位佢就即刻攞包紙巾喺我側邊幫我印，跟住有啲影相位我完全冇留意到自己條裙點，佢又會即刻衝上嚟幫我整，佢真係留意到好多好細微嘅位。其他賓客都覺得啲staff幾helpful，同埋上菜嗰時都好smooth。 我事前都準備咗好多CD去播歌，big day之前都去過兩次試隻碟，啲staff都好好逐隻碟逐隻歌咁幫我試，都會remind我哋有啲歌可能太細聲有啲太大聲要adjust吓，都會俾啲意見我。 而最後埋單都係smooth嘅，個經理會逐個數同我分析呢個數係點嚟，扣咗咩數total係咁，又解釋我知個payment method可以點俾，所以都冇咩大問題。