花球我都係搵埋佈置公司訂，訂咗一個鮮花一個絲花。本身我都係諗住出去搵，但係咁啱見到佢哋舖頭都有花嘅sample，咁就講開佢哋話之前做緊個promotion，本身完咗架喇但係都做埋俾我哋。佢個promotion都算平，$1900包一個真花一個假花花球，再包兄弟姊妹兩邊各六隻同埋爸爸媽媽嘅襟花，然後仲有花車車頭個花。 花球款式方面，佢都有問我想要咩花，絲花就冇得點揀嘅，佢現成有咩款就喺嗰度揀有咩色咁；鮮花佢就有好多款，我係諗住出門嗰陣用鮮花，佢都會俾comment我話用咩花襯出嚟會靚，最後我係揀咗鮮紅玫瑰同埋胡姬，所以成個花球出嚟係偏紅偏粉色。 我係big day前一日去攞啲花，所以都新鮮嘅，都會concern到第二日會唔會乾或者謝，佢都有個兜裝住啲水教我全晚都要開住冷氣呀，都會教我點樣keep住啲花。不過頭花方面都有少少失望，由於個頭花係襯番個花球，但係佢俾我嗰紮胡姬唔知點解整碎晒，每朵花一條條分開咁俾我。而我拎到番屋企嗰時佢好似已經謝謝地，佢個樣好似有少少凋落咁，嗰個moment都有少少擔心係唔係謝咗，所以自己都有買extra準備多啲。如果可以當日先送花就好喇，起碼保證一定新鮮。