其實一開始我無留意呢間嘢，係我老公留意到。我哋去咗好多次婚展，嗰次原本係諗住睇吓有無回禮小禮物同帖啱用，但就俾我老公發現咗花木呢間店。我覺得佢哋啲花真係好靚，而且service都唔錯！當時佢哋喺一個木箱上面放咗啲乾嘅薰衣草同滿天星，因為我老公好鐘意滿天星，一見到就拉咗我過去睇。睇咗陣，我哋就覺得送乾花都幾好，就問吓價錢。佢哋就同我哋講吓啲價錢同埋話有big day package，都唔會話sell得好勁，感覺OK。 價錢嚟講，我覺得其實佢哋都幾貴，花只係包4個兄弟同4個姊妹，唔似其他出面嗰啲花店包6個，但我覺得佢哋啲花真係好靚。我後來唔至買咗個花球，仲買咗啲乾嘅滿天星送俾啲賓客。至於花球質素方面，我覺得質素好好，都好keep到，到夜晚嗰時化妝師仲係幫我用朝早個花球襯緊。