Moreno Bridal
4.2

客戶評語

bubuidy
4.5
精選評語
服務 / 婚宴日期: 2016.09.10
我租裙嗰時好趕,大約係結婚前臨尾一個月先租到,因為之前都睇唔啱。然後到最後臨bigday前一個星期,我再決定租多一條旗袍。嗰時我就message佢哋話想要埋旗袍,佢就叫我過數俾佢就得,唔使特登上去婚紗舖嗰邊。之後,佢哋直接send件衫過改衫嗰邊,我就可以一次過試完就攞埋,唔使兩邊走,真係好方便! ...
我租裙嗰時好趕,大約係結婚前臨尾一個月先租到,因為之前都睇唔啱。然後到最後臨big day前一個星期,我再決定租多一條旗袍。嗰時我就message佢哋話想要埋旗袍,佢就叫我過數俾佢就得,唔使特登上去婚紗舖嗰邊。之後,佢哋直接send件衫過改衫嗰邊,我就可以一次過試完就攞埋,唔使兩邊走,真係好方便! 最後還衫方面係由我屋企人幫我去還,佢又唔限我要喺邊度攞,俾我自己揀喺邊一邊比較方便,所以我哋最後就喺改衫嗰邊還衫,因為比較近。由於我啲屋企人唔係太清楚deposit嘅嘢,佢哋都係主動同返我傾然後過返錢俾我。嗰時佢先同我講返原來我唔小心整爛咗條裙,仲要一直都唔知道。其實佢咁同我講起,我都相信真係我唔小心整爛咗嘅,只係咁啱還衫時改衣舖都無check清楚。我第一下知道整爛咗件衫嗰時就諗「今次慘喇,肯定俾人開天殺價喇!」我都預咗要賠二三千,點知最後佢哋又無喎!佢哋仲幫我諗方法,睇吓點樣補吓之後可以遲啲sale時賣出去,又同我講如果我自己想買的話都可以收我sample價。最後都只係收咗我$500以內,我真係好surprise! 老闆娘Rita俾我嘅感覺好斯文,service 好好。我覺得呢間店真係好老實,啲衫款式都唔錯,係物超所值嘅一間店!