我係2月11號結婚，我問過幾間(例如Agnes B)都唔肯接，真係好決絕話唔接。因此我想個花球新鮮D，不過我自己本身唔係好敢去花墟嗰啲揀，所以都想揀啲喺我附近嘅，攞又方便啲呢！而最尾就搵咗呢間Bloom & Blossom，近我之餘，佢地亦好nice又肯接，所以揀咗佢哋。 其實最初我睇佢地啲sample都搵唔到個我好鐘意嘅花球，睇咗幾千個都搵唔到，佢地啲sample又唔係好多，Facebook都唔係幾搵到。呢間店主要有兩個staff，都有留電話俾我，佢哋同我講︰「你再睇吓先啦，見到啲啱嘅款就send俾我哋睇！」之後，我就同佢講我鐘意紫色，而咁啱佢舖頭有隻紫色玫瑰真係好靚。另外，我又好鐘意繡球花，佢就未覆到我咩色，因為唔同季節咁樣。差唔多到日子，我就出咗去再睇，Big day前十日八日就同我講︰「我哋入咗呢隻紫色繡球花呀！」我就問佢可唔可以幫我拼一拼，佢就即刻將啲花立吓立吓一扎之後send俾我，我真係覺得好靚。而big day前，佢哋一路繼續幫我搵，中間都見咗兩三次，佢都即刻攞啲花拼吓俾我睇，亦都俾好多意見我。 最後個花球我都好滿意，但因為我要求要繡球花，要加成千蚊，都要$3500。雖然係貴D，但真係好靚！另外，因為我都要俾D花化妝師睇番來做頭花，咁佢都俾咗成四五種花我!