我一開始其實想搵Katie little workshop，因為我喺網上面見到佢哋嘅作品真係好靚，但又真係太貴了，最basic都要萬四至萬五蚊先有個好靚嘅backdrop。相對呢間My Dear Floral有朋友介紹，所以就有優惠啲嘅價錢。雖然之前有同事用過佢哋，都講過話佢哋係無咩創意，要你俾好多reference參考先會做到你想要嘅嘢，但嗰時就諗，唔緊要啦，最多自己搵多啲reference俾佢哋但省啲錢。不過我就無估到過真係要自己咁落力，成個婚禮場地佈置呢一環我覺得係最吃力。 之前又有個同事幫襯過另一間係有2個後生仔做，佢哋會搵好多reference俾你睇，同你傾完先出稿俾你睇，但我呢間就無。我都知道一分錢一分貨，但係初時我俾好多reference佢哋都未必做到我想要嘅效果。諗返整個經歷其實幾辛苦，第一次出咗個初稿嗰吓一睇真係幾洩氣，因為俾完reference出到嚟真係鬼五馬六。之後只好每種font都自己搵再諗埋font size，俾好清楚嘅指示佢哋。雖然真係要俾到好具體嘅意見佢哋先有機會出到你心目中想要嘅嘢，同要chur吓佢哋做嘢，但係我覺得佢哋態度其實好好，都會好想了解你想要咩，唔會嫌你煩同埋肯改。所以用佢哋嘅話你真係要直接話到俾佢哋聽你想要咩，就唔可以期望佢哋會俾到咩意見你。同埋佢哋offer嘅價錢都真係平，又願意借出佢嘅有嘅資源唔使額外加錢，例如想加個花球佢都無再收錢。