Anthony係朋友介紹，confirm咗之後就約過出嚟見一次，之後就到big day再見面。Anthony個人好直接，佢好清楚咁表達到俾我哋聽，佢都有要求。佢講到明係大家都想件事grand啲，好啲，我哋應該點樣擺pose，用咩檯比較適合，影出嚟好睇，佢都會幫埋我哋諗。同埋佢口才真係好，講得掂我哋。佢俾我嘅感覺係可以信得過，可以交俾佢做，而且佢嘅直接唔係令人難受，真係講得明白，唔係push你。而且我哋中間有個朋友結婚都係搵Anthony證婚，我哋就順便睇埋佢嘅表現，覺得好好。 談吐方面Anthony講得比較急，佢唔係唔清楚，不過可以慢返啲。當日我哋比較緊張，佢都可以安撫我，亦都好幫忙。因為當日好緊張，上到台有時唔知要望邊度，做啲咩，雙手拎定單手拎，佢都會靜靜雞提我要點做。而且因為佢好有經驗，同攝影師都好配合，好夾到。Anthony都比佢講嘅時間早到咗，亦都好主動同MC夾，令我哋唔洗擔心。