光顧佢地之前都有睇過其他舖頭嘅，但都睇唔啱。我喺呢度最初睇啱嗰個款中間有少少凸花，係周大福周生生都冇，不過我最終冇要呢個款，揀咗第二個款。最後我揀嗰款都係類似，不過唔係凸花，因為我自己覺得凸花會容易藏烏糟嘢，有啲擔心，因為始終結婚戒指戴咗都唔會除。 銷售過程佢係冇hard sell，都有俾D建議我，不過我揀戒指都主要根據自己喜好。佢有俾幾個款我睇，問我大約鐘意啲咩，有呢啲款佢就攞晒俾我睇。佢地都好有禮貌，整體嚟講係舒服嘅。 希望佢地可以推廣多啲，因為正常好難認識到佢地，如果我唔係去會展咁啱經過佢地都唔會知道有呢間舖頭。