Hanayome Wedding
3.8

客戶評語

lawphoebe
3.5
精選評語
服務 / 婚宴日期: 2016.12.27
我喺Facebook搵到呢間舖頭,衫我自己都試過OK先租,但係呢間啲男裝唔係咁靚。我之前都睇過六、七間,但係每一間都唔係好鍾意。直至去到呢一間,試咗兩件之後就好鍾意,好快就決定喺呢間租。試衫費係有免費試幾件,到結婚前一兩個月內就可以再試,可以改款,到結婚前三日島就finalfit。 佢地唔hard...
我喺Facebook搵到呢間舖頭,衫我自己都試過OK先租,但係呢間啲男裝唔係咁靚。我之前都睇過六、七間,但係每一間都唔係好鍾意。直至去到呢一間,試咗兩件之後就好鍾意,好快就決定喺呢間租。試衫費係有免費試幾件,到結婚前一兩個月內就可以再試,可以改款,到結婚前三日島就final fit。 佢地唔hard sell,服務都好好。我12月27號結婚,佢24號已經可以俾我拎衫,因為之後幾日係公眾假期,佢就唔想我咁趕,俾我可以早啲拎,我覺得好好,就唔洗迫哂啲野喺結婚前一日做。另外,佢地嘅配飾都好好。不過,我有套紅色旗袍諗住敬酒用,入面有層織布,出面有層Lace,但兩層唔係好Match,最後著上身就有啲褶痕,睇落好奇怪。佢嘅解釋係因為件衫洗咗幾次之後入面塊布縮咗水,所以lace就同入面唔match。其實我係有啲唔開心,因為我試嘅時候係冇呢個問題,最後final fit先出現呢個問題,其實就唔係咁滿意。但係佢即場有人幫我車返改返,都仲有少少痕但就冇咁誇張,但我覺得acceptable就算數喇! 至於男裝方面,我要搵一套白色男西裝,問題第一係佢個碼唔齊,第二係最件衫同褲唔係一套,佢啲衫同褲紋唔係一樣,但係又唔係好睇得出,要仔細睇先睇到,著出嚟唔係好覺眼就算,褲嘅cutting又唔係咁靚。當時已經係結婚前一個,著又只係著十幾分鐘,所以就冇再出去搵其他公司。同佢地反映咗呢樣野佢地都幫唔到我,只可以係要定唔要,不過佢地態度係ok嘅,如果佢地嘅男裝可以齊碼或者款式多少少就會好啲。