其實Futago係我老公朋友開嘅，求婚戒指其實都係佢哋嗰度訂造。成隻戒指係由6個2字圍住咗個鑽石，因為我出生日期係2月22日，佢個friend個家姐就喺Futago做designer，我老公突登搵佢傾啲details去設計隻戒指，真係好靚。我開頭見到覺得好靚同好特別，因為未見過呢個款，後尾先知原來咁有意思。 鑽石係老公自己揀，接近一卡，質素顏色都唔錯，同埋個design令到粒石好大，戒指係4爪，但因為佢有6個2字圍住，所以睇落似6爪，又托高咗粒石，所以拼埋朋友啲一卡度，我粒石大過佢哋好多，睇落似卡幾。包裝上面就冇咩特別，都係正常包裝。 Futago有一對戒指叫「無限」，兩隻戒指拼埋係八字型咁嘅。不過我哋兩個戴咗都覺得好怪。其實結婚戒指我哋都睇咗好多唔同款，亦都唔想侷限咗喺朋友開嘅店呢樣嘢嗰度。但係因為我老公隻手好大同埋好粗，佢要揀啲好粗嘅款先襯到自己。我覺得冇咩所謂，最緊要佢戴得好睇，因為女仔戴一般都ok。我哋試咗好多，最後都係喺Futago揀到一隻係我老公試咗話好鍾意嘅，一隻佢哋嘅款，出面係搵唔到嘅。我哋揀咗一個好Classic嘅款，通花嘅。我老公做嘢唔可以長期戴戒指，因為唔方便，佢係掛喺條頸度，咁就會見到側邊通花，啱哂我哋想要嘅嘢。 而喺傾談嘅過程入面，佢哋都問我哋想要啲咩，盡量拎多啲俾我哋睇同埋試，服務都ok。我哋試過去其他店，啲sales好夾硬，白鴿眼，覺得你混吉咁樣，睇中咗都走啦，而呢度就唔會咁。而Futago幫我哋個sales叫Phoebe，其實佢都係負責人，好多時佢都自己親力親為。我都有朋友去搵佢做，佢俾啲專業意見都幾中肯。