我係喺Facebook認識佢哋，佢哋應該落咗廣告所以我碌碌下就見到。我都有睇過幾間其他，而且已經落埋訂，但係見到佢哋啲裙咁靚就夾硬都想加多條。 Serve我嘅同事叫Connie同Mia，佢哋好好，如果啲衫真係唔適合我會講真話，好就會講好，唔會一尾話靚嚟氹你，明明唔肥都話肥，睇得出佢哋係好真嘅。佢哋都有略略講過Package價錢，都幾清楚，因為佢哋有分幾件同一件package，不過最後我都只係揀咗一件婚紗。因為其實我之前都已經揀咗另一件，不過太鍾意佢哋個款所以揀埋。 而試衫費方面，咁啱佢哋做緊promotion，Facebook like & share就會free，我見佢哋正價好似係$800試一次，不過我唔知佢而家仲有冇做呢個promotion。試衫嗰度都ok，好似有兩個fitting，一邊一個客，應該淨係做booking客，如果上一手仲有人就可能要等一等，我上去等嘅時候佢都有俾部iPad我睇住先。不過，如果Fitting可以影相就更加好，因為佢哋呢度未join係唔可以影相。但係有時女仔三心兩意，唔會即刻話join要諗嚟諗去，如果返去到冇咗張相都會唔記得，反而join咗先影相其實作用不大了。 而Final fit後，佢哋衫都改得好fit我身型。我fitting完之後就即刻拎走，件衫都冇問題。 另外，我記得佢哋有教我戴wing bra，push up效果會好啲，佢亦都有教我nude bra係點痴，後尾都係覺得佢哋舖頭嘅wing bra好用啲，佢哋好耐心咁教我點樣用。