S&H Wedding
5

客戶評語

ConnieTsui
5
精選評語
服務 / 婚宴日期: 2017.01.06
搵租衫店嘅過程中我總共試咗三間,一間大品牌,一間就中規模,最後真係幫襯嘅呢一間就係小店。頭嗰2間我睇完啲衫都得麻麻哋,而S&H啲衫我真係覺靚,兼且我感受到老闆娘Shirley佢真係好為我著想,喺S&H其中一個好吸引我嘅地方。例如我未揀啱嘅時候,佢會同我講︰「唔緊要,我幫你留住先。你決...
搵租衫店嘅過程中我總共試咗三間,一間大品牌,一間就中規模,最後真係幫襯嘅呢一間就係小店。頭嗰2間我睇完啲衫都得麻麻哋,而S&H啲衫我真係覺靚,兼且我感受到老闆娘Shirley佢真係好為我著想,喺S&H其中一個好吸引我嘅地方。例如我未揀啱嘅時候,佢會同我講︰「唔緊要,我幫你留住先。你決定到我哋咪再轉俾你!」所以我試每一件嘅時候都好安心,因為我知道老闆娘佢真係為我著想,想我試到啱自己嗰件,唔會話轉頭就無咗。 講返佢哋舖頭真係好細,有時都覺得我房企間房好似仲大過佢間舖,所以都要有啲心理準備入到去佢哋間舖時都會覺得幾亂。但係佢哋啲衫嘅質素係非常之OK,而且老闆佢成日都會入啲新衫。不過我懷疑佢哋自己本身都有其他正職,感覺似喺放工後趕返嚟舖頭照顧啲新人,所以時間上唔係咁易就到,要俾啲耐性。但係佢哋舖啲衫真係靚嘅,所以都值得等!另一方面,我覺得真係要提醒各位新人,因為小店容易接觸到老闆,佢哋又話到事,反而容易傾到更好嘅deal,值得考慮。 我記得我結婚嗰時,老闆娘咁啱係嗰時生小朋友,所以就由佢老公嚟幫我哋處理啲嘢。感謝佢哋令我租到又好又啱嘅裙結婚,都祝褔佢哋一家人同埋新成員小朋友都幸福~!