呢間係一間比較細嘅deco公司，唔係話咁出名，所以唔會收得好貴。當初係因為每一個結婚item都有priority，變咗decoration都唔係一個我會好肯花錢嘅item。其實好多deco公司都係伏嚟，可以態度好差，我開始都擔心decowings咁平，出嚟嘅質素會唔會唔好呢，但係end up係非常之好，完全係我想要嘅嘢，我反而係要追佢哋拎返啲deco相，因為我好想睇返啲咁靚嘅deco。 其實好多人上網鬧啲deoc公司唔好，好多時係因為佢哋前期服務態度好差，例如當個新人想改design或者佢覺得有意見嘅時候，佢會唔改或者話改兩次就唔會再改，甚至成日都唔覆你，呢啲都會令新娘子喺籌備過程好擔心。我都曾經向其他公司問價嘅時候或者嘗試搵design係完全唔覆你唔理你，態度唔係咁好。但係decowings係超有耐性，同你講每一個佈置係點。直到big day前兩個月，我係不斷咁轉，明明今日講想要全粉紅色，聽日就話覺得粉紅色好俗想要其他嘢；佢會俾好多suggestion我，好有耐性。本身package可能淨係包一個簡單嘅welcome board係foam board，我話想轉玻璃，佢哋都即刻做到。 我覺得佢哋真係做得好好，如果佢哋嘅宣傳渠道可以再增加多啲，喺facebook宣傳多啲令到自己知名度大啲就更加好，可以讓多啲新人認識佢哋！