呢間My Cup of Tea Bridal係我要影prewedding時搵的，喺西營盤。其實嗰時都只係見過一兩篇blog介紹佢哋，我都好慶幸自己有去到。 佢哋主要有歐洲嘅名牌款，都好靚而且價錢相宜。由於我之前都有試過婚紗，大約都知自己想要啲咩類型嘅婚紗，就同佢講想要plain啲同魚尾款，佢哋就攞啲啱嘅款出嚟推介俾我。我喺嗰度租咗一件婚紗，一件晚裝出去外影。佢哋件件衫都keep得好乾淨同有入袋，質素好好。 不過佢哋舖頭好細，只可以容納到一對Couple，多一個朋友都要坐喺店出面等。佢哋係似旺角中心啲細舖嘅兩個舖位，一個舖位專揀衫，一個舖位試衫。希望佢有機會可以租到個大啲嘅舖，容納多啲人啦，因為佢哋租嘅婚紗質素真係好好，同中環嗰啲差不多，但係就可以平差不多一半嘅價錢！