The Floral Flowerist
5

客戶評語

qbi908
5
精選評語
服務 / 婚宴日期: 2017.02.17
其實本身比較女性化嘅嘢我唔係咁熟,覺得個個花球都差唔多。我唯一有要求就係要西式嘅長拖尾款,因為唔鐘意中式一個波型嗰種。有一日我上facebook見到有一間花店同我嘅婚禮攝影師合作過,影出嚟個花球真係好靚,同攝影師嘅風格好夾,之後我就聯絡佢哋。 Thefloralflowerist負責人係一個剛出嚟...
其實本身比較女性化嘅嘢我唔係咁熟,覺得個個花球都差唔多。我唯一有要求就係要西式嘅長拖尾款,因為唔鐘意中式一個波型嗰種。有一日我上facebook見到有一間花店同我嘅婚禮攝影師合作過,影出嚟個花球真係好靚,同攝影師嘅風格好夾,之後我就聯絡佢哋。 The floral flowerist負責人係一個剛出嚟創業嘅90後女仔,叫阿Wai。佢整花球經驗唔係好豐富,所以價錢唔會好貴。原本我最初係叫佢幫我做一個絲花嘅花球,因為我唔喺好識照顧啲花,怕到夜晚會枯。當時佢覆返我話佢唔做絲花,所以我就諗住去搵過第二間,但佢同我講︰「你去搵過第二間唔緊要,不過我想同你講真花同絲花影相出嚟嘅感覺真係差好遠架!同埋通常拖尾款花球用真花會靚好多,用絲花會感覺比較膠。」我聽完就覺得呢個妹妹都好坦白,就問佢用真花幫我做幾多錢。可能佢真係出嚟創業無耐,佢開俾我嘅價錢係仲平過我之前問過另一間做絲花花球嘅價錢!咁一比,我梗係揀鮮花啦! 我個人就比較緊張,見俾咗訂過咗半個月都無咩聯絡,佢就叫我唔使擔心,用鮮花係要睇返嗰期咩花當造先再傾。到結婚前一個星期佢都無主動搵我,我就好驚,即刻問佢點,跟住佢就send個表俾我,喺唔同種類嘅花,似返我之前睇相見到好鐘意嗰個花球用嘅種類,佢就叫我可以喺裡面揀咗再做。嗰時我心諗你肯覆我,同埋有就得架喇! 到big day前一日,佢就同我講啲花ready可以去旺角攞。嗰日我勁忙,諗住一次過去旺角攞埋套褂所以拉住個喼。我當時完全無諗過原來個花球會用一個好似搬雪櫃咁大嘅紙皮箱裝住。佢同我講個花球係用鮮花,所以送埋個好高身嘅玻璃樽俾我,有水養住啲花,仲俾埋營養劑我,教我點用,話啲花一定挨到big day夜晚都仲好靚。佢見我攞住咁多嘢,電話又就快無電,就幫我book van仔同陪我等車,真係好好。然後到架車嚟咗,佢提我要摟住個紙皮箱,因為車尾會焗,俾啲花一齊吹冷氣會好好多。佢仲主動送咗3個鮮花嘅襟花俾我,係我無request過的,真係勁好!