因為婚戒都諗住戴好耐，所以都想搵自己鐘意嘅brand。嗰時我去咗IFC嗰間Tiffany，由Cherry serve我哋，佢好有耐性同好有禮貌，後來我哋做咗朋友仲交換咗whatsapp，不過好可惜佢宜家已經無喺嗰度做喇！ 揀戒指嘅時候，佢有介紹返我哋邊啲款可以last得耐啲，或者邊啲款係第時隻手肥咗都可以調較。另外，佢仲有講俾得哋聽如果求婚戒指同結婚戒指都戴的話，咩款會夾得靚啲。佢俾咗好多款我哋試，同埋嗰時咁啱有promotion就請咗個artist幫我哋諗吓設計。 整體嚟講嗰次服務體驗好好，不過我個人就覺得係間間分店staff唔同，同埋香港款式相對美國嗰邊真係少好多。