我有朋友喺Tiffany做所以有折，我哋去咗太古廣場度買。我本身都覺得佢哋嘅鑽石靚，因為我嘅求婚戒指都係佢哋嘅signature款，覺得佢哋質素真係好。其實我哋都試過唔同品牌，不過最後都揀返Tiffany，因為覺得佢哋設計同質素都幾好。 朋友都好細心係幫我哋度過真係最fit嘅size，因為我嘅手指係幼啲細啲嘅，所以舖頭當時都冇我size嘅戒指可以試，佢哋真係搵啲工具幫我試到最準，因為我都想試清楚啲，始終之後會成日戴住。我嘅朋友都好資深，都做咗十幾廿年。同埋成個過程都好似傾計咁，好親切嘅感覺，好似屋企人咁，完全唔係sell緊你。