我哋搵咗Munch幫我哋做西式餐飲到會，其實結婚中間我哋改咗好多次menu，因為老人家有時話唔要凍嘢，又擔心11月會唔會凍要多啲熱嘢，而Munch真係非常之helpful，基本上所有要求都滿足哂。我哋轉咗飲品，加咗啲熱飲，嘢食就幫我哋prepare咗少少熱嘢食。其實呢間catering公司係我老婆揀，因為佢本身係做wedding planner。 佢哋非常之準時，比準時更早。佢哋預早少少去，因為知道我哋趕，直頭幫我哋拎咗個場先，我哋去到佢已經set緊嘢，佢哋係冇得頂！因為一般個場啲檯係擺後面，但我哋就放哂側邊，佢都控制得好好，有啲equipment要用電，佢就即刻同我哋production house夾去拎電。我哋嗰日都大概有250-260位賓客，佢哋人手安排非常之夠，唔會口話有賓客要拎嘢食嘢飲冇人幫手。 不過，如果佢哋啲sales可以覆得快啲就更加好。但係佢哋operation就係冇得頂，floor manager Lennon係非常之好。Lennon全部嘅arrangement都好準，我哋第一次開會講嘅嘢佢全部唔洗我提都做到哂記得哂。我啲嘢要點set，幾點做啲咩，當然後面schedule有少少delay，佢完全可以控制哂個場關於catering嘅嘢，good！