我揀萬福珠寶係喺婚展睇到。本身我係想去Forever couple，因為見到佢哋可以自己設計，但係實在太貴，正價睇起碼四萬幾。後尾我去婚展再望，行行下見到萬福都有得設計戒指，同埋可以還價。我哋最初睇都係要四萬幾，後尾係還價還到兩萬幾，就join咗佢哋。我哋係婚展join咗，之後就去門市造戒指。 Serve我哋嘅係油麻地分店陳子康經理，佢肯平俾我先買得成，佢真係好好「相與」！整個過程都係佢跟。佢所有嘢都解釋得好清楚，包括刻字，戒指幾厚，啲石會點樣，亦都有做模俾我哋試size。我哋隻戒指都造得幾複雜，因為刻咗好多嘢上去，最後造出嚟都真係嗰回事。我哋刻咗名同埋日子上去，但係啲刻字同埋石嘅位置都多。陳經理都好細緻問啲角度嘅問題，確保唔會錯。