我哋請咗孫楚雍律師做證婚，啲網上討論區話佢係出名證婚。我哋喺婚展見到佢價格係好抵，$2000零就包哂證婚所有嘢。揀佢一來係價錢，二來佢有期。我哋之前見佢一次，傾一傾計，佢都話個流程俾我知，幾點到，要拎啲咩嘢等等。 佢儀容各方面都好好，佢自己證婚，拎咪講嘢都淡定，搞氣氛都唔沉悶，亦都對婚禮流程好熟悉。不過我哋之前見面見咗半個鐘，後尾我都有打電話想去問佢嘢，但係真係好難搵到佢，前線啲Reception又答唔到，如果佢哋個團隊都對婚禮熟悉啲就會好啲。